قومی اسمبلی الیکشن کمیشن دے اراکین دی تنخواہ،الائونسز ،ودھیکی مراعات بل2016ء دی کثرت رائے نال منظوری ڈے ڈتی

اسلام آباد (پاکستان نیوزپوائنٹ 15 اگست2016ء) قومی اسمبلی الیکشن کمیشن دے اراکین دی تنخواہ،الائونسز ،ودھیکی مراعات بل2016ء دی کثرت رائے نال منظوری ڈے ڈتی اے۔سونوار کوں قومی اسمبلی دے اجلاس اچ تحریک پیش کیتی جو ایں بل تے غور کیتا ونجے ۔ڈاکٹر شیریں مزاری آکھیا جو تنخواہواں پہلی ڈتی ویندی رہی اے ،بل ہنڑ منظور تھیندا پئے اے غیر قانونی اے۔وفاقی وزیر شیخ آفتاب احمد آکھیا جو ہنڑ سارے معاملے کوں قانونی شکل ڈتی ویندی پئی اے۔بعد اچ قومی اسمبلی بل دی منظوری ڈے ڈتی ۔