اسلام آباد (پاکستان نیوزپوائنٹ 15 اگست2016ء) دفتر خارجہ دے ترجمان نفیس زکریا آکھیا جو پاکستان بھارت نال سارے تصفیہ طلب مسئلے مذاکرات نال حل کرنڑ چاہندے،بھارت کوں کشمیر تے خصوصی مذاکرات دی دعوت ڈتی گئی اے۔اے گالھیں انہاں ہک انٹرویو اچ گالھ مہاڑ کریندیں ہوئیں آکھی۔نفیس زکریا آکھیا جو پاکستان بھارت کوں کشمیر تے خصوصی مذاکرات دی وی دعوت ڈتی اے۔
انہاں آکھیا جو پاکستان ہک پر امن ملک اے اتے آپنڑے سارے ہمسایہ ملکاں نال دوستانہ تعلقات چاہندے۔انہاں آکھیا جو خطہ اچ پائیدار امن سانگے کشمیر دے مسئلے دا حل ضروری اے۔ترجمان آکھیا جو عالمی برادری کوں وی ایں بارے آپنڑاں کردار نبھاونڑاں چاہیدا اے۔دفتر خارجہ دے ترجمان مقبوضہ کشمیر اچ بھارتی مظالم بارے آکھیا جو کشمیریاں ولوں جدوجہد آزادی دے شروع توں ہںڑ تئیں ہک لکھ توں ودھ کشمیری آپنڑی جاناں دا نذرانہ ڈے چکین اتے 20ہزار معذور تھی چکین ۔
