پہلی سارک ینگ پارلیمٹیرینز کانفرنس (اج) شروع تھیسی

پہلی سارک ینگ پارلیمٹیرینز کانفرنس (اج) شروع تھیسی

اسلام آباد (پاکستان نیوزپوائنٹ 15 اگست2016ء) پہلی سارک ینگ پارلیمٹیرینز کانفرنس (اج) منگل توں اتھاں شروع تھیسی۔ کانفرنس اچ افغانستان، بھوٹان، بھارت، مالدیپ، نیپال، پاکستان اتے سری لنکا توں پارلیمنٹ دے 50 ارکان شرکت کریسن۔ کانفرنس سپیکر قومی اسمبلی سردار ایاز صادق ولوں سڈی گی ہے جیں اچ نوجوان ارکان پارلیمنٹ کو ں اپنڑے پارلیمانی تجربے نال ہک ڈوجھے کوں فائدہ چاونڑ دا موقع ملسی ۔

قومی اسمبلی دے نینگر رکن ملک عذیر خان اے کانفرنس کراونڑ دا اہم کردار ادا کیتا ہے ۔کانفرنس اچ 50پارلیمانی مندوبین دے نال نال 6بین الاقوامی ماہرین وی شرکت کریسن ۔کانفرنس اچ بھارت ، مالدیپ، افغانستان اتے نیپال دے 4، 4، بھوٹان دے 5 اتے سری لنکا دے 6 مندوبین شرکت کریسن جڈاں جو پاکستان دے50 ارکان پارلیمنٹ کانفرنس اچ شرکت کریسن۔ سارک دے سیکرٹری جنرل ارجن بہادر تھاپا وی کانفرنس اچ شرکت کریسن۔