ملتان دارالامان اچ ماہرنفسیات تعینات کرڈتی گی

ملتان (پاکستان نیوزپوائنٹ 15 اگست2016ء) محکمہ سوشل ویلفیئر دے ادارہ دارالامان اچ رہنڑ آلیاں تریمتاں سانگے ماہرنفسیات تعینات کرڈتی گی ۔ادارہ سپریٹنڈنٹ مسز شہوار فاطمہ ڈسایا جو ا دارے اچ رہنڑ آلیاں بہوں تریمتاں نفسیاتی مسلیں دا شکار ہن ۔انہاں تریمتاں دی کونسلنگ بہوں ضروری ہے ۔اتھاں تریمتاں ودھ پڑھیاں لکھیاں کائنی ایں سانگے انہاں دی کونسلنگ ضروری ہے ۔انہاں ڈسایا جو ادارے اچ رہنڑ آلیاں تریمتاں کوں دینی تعلیم دے نال نال ووکیشنل ٹریننگ وی ڈتی ویندی پئی ہے تاں جو تریمتاں ادارے توں باہر ونجن تاں روزگار کماونڑ دے قابل ہوون ،واضح رہے جو ادارے اچ 30تریمتاں تے 19بال شامل ہن