وفاقی وزیر مذہبی امور سردار محمد یوسف دی زیرصدارت حج مشاورتی کمیٹی دا اجلاس

اسلام آباد (پاکستان نیوزپوائنٹ 23جون2017ء) وزیراعظم ولوں قائم حج مشاورتی کمیٹی دا اجلاس وفاقی وزیر مذہبی امور سردار محمد یوسف دی صدارت اچ مدینہ منورہ اچ تھیا۔ ایںموقع تے ڈائریکٹر جنرل حج ساجد یوسفانی اجلاس کوں ایں سال حج سانگے اقدامات بارے بریفنگ ڈتی ۔ انہاں آکھیا جو ہنڑ تئیں 88 ہزار عازمین حج سانگے رہائش گاہواں حاصل کیتیاں گیاں ہن۔ ساجد یوسفانی آکھیا جو پاکستانی عازمین حج کوں منیٰ ، مزدلفہ اتے عرفات اچ انہاں دے قیام دے دوران کھانڑاں وی ڈتا ویسی ۔ ڈائریکٹر جنرل حج آکھیا جو ایں سال سرکاری حج سکیم دے تحت ترائے لکھ38 ہزارحج درخواستاں ملیاں ہن جیں اچ حج دے سرکاری پروگرام تے لوکاں دے اعتماد دی عکاسی تھیندی ہے ۔