وزیراعظم محمد نواز شریف دی کوئٹہ اچ دہشت گردی دی ودھ ساری مذمت

اسلام آباد (پاکستان نیوزپوائنٹ 23جون2017ء) وزیراعظم محمد نواز شریف کوئٹہ اچ دہشت گردی دی کارروائی دی ودھ ساری مذمت کیتی ہے جیں اچ بے گناہ لوک جاں بحق تھے ہن ۔ جمعے کوں وزیراعظم آفس ولوں جاری بیاندے مطابق وزیراعظم وفاقی تے صوبائی سطح تے متعلقہ حکام کوں ایںگھناﺅنی کاروائی دے مرتکب لوکاں کوں گولنڑ تے انہاںکوں انصاف دی کچاری اچ گھن آونڑ دی ہدایت کیتی ۔انہاں صوبائی حکومت کوں وی ہدایت کیتی ہے جو او زخمیاں کوں ہر ممکن بہترین طبی سہولتاں ڈیون ۔وزیراعظم قیمتی جاناںدے ضیان تے ودھ سارے ڈکھ دا اظہار کریندے ہوئیں دعا کیتی جو اللہ سئیں مرحومین کوں اپنڑی جوار رحمت اچ جاہ ڈیوے تے انہاں دے خاندان کوں اے ڈکھ برداشت کرنڑ دا حوصلہ ڈیوے ۔