اسلام آباد (پاکستان نیوزپوائنٹ 22جون2017ء) سیکورٹیز اینڈ ایکسچینج کمیشن آف پاکستان (ایس ای سی پی) کمپنیز ایکٹ 2017دے دفعہ 452 دے تحت مطلوب ملکیت حقیقی دی معلومات کمیشن کو ںفراہم کرنڑ سانگے فارمز مشتہر کر ڈتے ہن ۔ ایں حوالے نال جاری نوٹیفکیشن دا ضمیمہ نمبر ہک ایں فارم دی صراحت کریندا ہے جیں تے حصص دار یا کمپنی دا افسر جیرھا جو پاکستان دا شہری بشمول دوہری شہریت دا حامل ہووے، غیر ملکی کمپنی یا باڈی کارپوریٹ اچ اپنڑی حصص داری یا بئے مفاد دا، ایجھی حیثیت یا مفاد دا حامل تھیونڑ دے 30ڈینھ دے اندر اندر کمپنی دے پاس اظہار کریسی۔
ضمیمہ ڈو کمپنی ولوں سال دے دوران ایں ایکٹ دے آغازِ نفاذ توں 60 ڈینھ دے اندراندر تے بعد اچ اپنڑے سالانہ گوشواریں دے نال جیویں کہ ایکٹ دے تحت مطلوب ہے درج بالا موصول شدہ معلومات کمپنی رجسٹرار کوں رپورٹ کرنڑ دے فارم دی صراحت کریندا ہے۔
