اج (22جون )دے بعد لمبا روزہ 2050 ءدی دھائی اچ ہوسی

لاہور(پاکستان نیوزپوائنٹ 21جون2017ء) 22جون شمسی سال دا لمبا ڈینھ ہوندا ہے جڈاں جو رات سال دی ساریں توں چھوٹی رات ہوندی ہے ۔گذریل ترائے سال اچ 22جون رمضان شریف کوں آندا رہیا ترائے سال مسلسل اہل اسلام طویل لمباروزہ رکھنڑ دی سعادت حاصل کریندے رہیے۔ ہنڑ اے موقع تقریباً 33 سال بعد 2050ءدی دھائی اچ آسی ۔ ماہرین فلکیات دے مطابق اج دا ڈینھ 14گھنٹے اتے رات 10گھنٹے دی ہوسی جڈاں جو پاکستان اچ اج دا روزہ تقریباً 16گھنٹے دا ہوسی۔