ایں سال یوم آزادی دے موقعے تے ملکی پرچماں، جھنڈیاں، بیجز سمیت بیاں مختلف چیزاں دی وکری دا حجم 50 ارب روپے تئیں ودھنڑ دی توقع

اسلام آباد (پاکستان نیوز پوائنٹ 13 اگست 2016ء) ایں سال یوم آزادی دے موقعے تے ملکی پرچماں، جھنڈیاں، بیجز سمیت بیاں مختلف چیزاں دی وکری دا حجم 50 ارب روپے تئیں ودہنڑ دی توقع ہے ۔ یوم آزادی دے حوالے نال مختلف مصنوعات تیار تے فروخت کرنڑآلے وڈے وپاری طبقے دا آکھنڑ ہے جو ایں سال یوم آزادی دیاں مصنوعات دی وکری جولائی دے اخیری ہفتے اچ ہی شروع تھی گئی ہئی ، اتے سڑکاں دے کنارے لائے ونجنڑ آلے سٹالز دی تعداد اچ 50 فیصد دا ودھارا تھیونڑ نال آزادی دے ڈینھ دی مناسبت نال وکنڑآلیاں مصنوعات دی فروخت گزریل سالیں دے مقابلے اچ 100 فیصد تئیں ودھ گئی ہے ، اتے امید ہے جو ایں سال اینداحجم 50 ارب روپے تئیں پج ویسی ۔