پاکستان دی سلامتی، بقا اتے استحکام کیتے ہر دنیاوی مفاد کوں قربان کریسوں،

ساری قوم دہشت گرداں دے خلاف متحد ہے ، قائد اعظم دی قیادت نہ ہوندی تاں پاکستان دا قیام ممکن کائناں ہئی ، اساڈی افواج، سلامتی دے ادارے،پولیس اتے لوکیں آپنڑاں خون نہ ڈیندے تاں ملک دی بقا اتے سلامتی ممکن کائناں ہئی ، ایں سال 14اگست کوں انہاں اہلِ کشمیر دے ناں کریندے ہئیں جنہاں ریاستی جبر دا مقابلہ کیتے جڈانجو آزادی دے جذبے کوں جیدہ رکھے وزیراعظم محمد نواز شریف دا یوم آزادی دے موقعے تے قوم دے ناں سنیہا

پاکستان دی سلامتی، بقا اتے استحکام کیتے ہر دنیاوی مفاد کوں قربان کریسوں،
ساری قوم دہشت گرداں دے خلاف متحد ہے ، قائد اعظم دی قیادت نہ ہوندی تاں پاکستان دا قیام ممکن کائناں ہئی ، اساڈی افواج، سلامتی دے ادارے،پولیس اتے لوکیں آپنڑاں خون نہ ڈیندے تاں ملک دی بقا اتے سلامتی ممکن کائناں ہئی ، ایں سال 14اگست کوں انہاں اہلِ کشمیر دے ناں کریندے ہئیں جنہاں ریاستی جبر دا مقابلہ کیتے جڈانجو آزادی دے جذبے کوں جیدہ رکھے وزیراعظم محمد نواز شریف دا یوم آزادی دے موقعے تے قوم دے ناں سنیہا

اسلام آباد (پاکستان نیوز پوائنٹ 13 اگست 2016ء) وزیراعظم محمد نواز شریف آکھے جو 14اگست دے ڈینھ اساں عہد کرنڑاں ہے جو جڈاں تئیں جیندے ہئیں ، پاکستان دی سلامتی ، بقا اتے استحکام کیتے ہر دنیاوی مفاد کوں قربان کریسوں، قائد اعظم دی قیادت نہ ہوندی تاں پاکستان دا قیام ممکن کائناں ہئی ، ساری قوم دہشت گرداں دے خلاف متحد ہے ،جیکر اساڈی افواج، سلامتی دے ادارے،پولیس اتے عوام آپنڑاں خون نہ ڈیندے تاں ملک دی بقا اتے سلامتی ممکن کائنی ہئی ، ایں سال 14اگست کوں انہاں اہلِ کشمیر دے ناں کریندے ہئیں ، جنہاں ریاستی جبر دا مقابلہ کیتا جڈانجو آزادی دے جذبے کوں جیندہ رکھے ۔

وزیراعظم اے گالہیں یوم آزادی دے موقعے تے قوم دے ناں آپنڑیں سنیہے ا چ آکھیاں ہن ۔ وزیراعظم آکھے جو 14اگست دا ڈینھ روایتی مسرت دے نال ، ڈکھ دے گہرے احساس کوں وی آپنڑیں اندرلُکایاہویاہے ، کوئٹہ دے شہیداں دا غم حالی تازہ ہے، اج اساں انہاں شہیداں کوں وی یاد کریندے ہئیں جنہاں ایں آزادی کوں قائم رکھنڑ کیتے آپنڑیاں جاناں دا نذرانہ پیش کیتے ، اے ڈینھ پاکستانی قوم دے ایں عزم نال طلوع تھیندا پئے جو پاکستان اللہ دے فضل نال ہمیشہ قائم راہسی ۔

وزیراعظم آکھے جو 1965 ء دا جذبہ اج وی آپنڑیں پوری آب و تاب دے نال جیندا ہے ، وزیراعظم آکھیا جو اگست دے مہینے اچ جتھاں اساں قائد اتے تحریکِ پاکستان دے راہنماواں اتے کارکناں کوں یاد کریندے ہئیں ، اتھاں انہاں شہیداں دی یاد دے چراغ وی اساڈے دلاں اچ روشن تھی ویندے ہن ، جنہاں وطن دی خاطر آپنڑیاں جاناں قربان کیتیاں ہن ۔