قومی اسمبلی اجلاس ، سینئر پارلیمنٹرین عبدالرحیم مندوخیل تے دہشت گردی دے اجوکے واقعات اچ جاں بحق تھیونڑ آلے لوکاں سانگے فاتحہ خوانی کرائی گی

اسلام آباد (پاکستان نیوزپوائنٹ 23مئ2017ء) قومی اسمبلی اچ پختونخوا ملی عوامی پارٹی دے رہنما اتے سینئر پارلیمنٹرین عبدالرحیم مندوخیل تے دہشتگردی دے اجوکے واقعات اچ جاں بحق تھیونڑ آلیں سانگے فاتحہ خوانی کرائی گی ۔منگل کوں قومی اسمبلی اچ سپیکر سردار ایاز صادق ایوان کوں ڈسایا جو قومی اسمبلی دے سینئر رکن عبدالرحیم مندوخیل گزریل کئی مہینے توں علیل ہن انہاں دا 20مئی کوں انتقال تھی گیا ہے ۔سپیکر آکھیا جو جمہوریت سانگے انہاں دیاں وڈیاں خذمات ہن ۔انہاں آکھیا جو اجوکے ڈینہاں دہشت گردی دے واقعات تھے ہن انہاں آکھیا جو سارے مرحومین سانگے فاتحہ خوانی کیتی ونجے ۔سپیکر دے آکھنڑ تے وفاقی مذہبی امور دے وزیر سردار محمد یوسف مرحوماں دے ثواب سانگے فاتحہ خوانی کرائی ۔