اسلام آباد (پاکستان نیوزپوائنٹ 23مئ2017ء) وزارت نیشنل ہیلتھ سروسز ریگولیشن اینڈ کوآرڈی نیشن طبی سہولتاں کوں جدید خطوط تے استوار کرنڑ تے انہاں کوں باضابطہ اتے معیاری بنڑاونڑ سانگے 20کروڑ روپے مختص کیتے ہن ۔وزیر مملکت سائرہ افضل تارڑ اپنڑے اچ ہک انٹر ویو اچ آکھیا ہے جو پاکستان مسلم لیگ ن دی حکومت اپنڑے منشور دے مطابق سارے شہریاں کوں صحت دیاں چنگیاں سہولتاں تئیں رسائی تے یقین رکھیندی ہے ایں ضمن اچ یونیورسل ہیلتھ کوریج سانگے بھر پور سیاسی عزم موجود ہے ۔
انہاں آکھیا جو 2013اچ اقتدار اچ آونڑ دے بعد وزیراعظم نواز شریف سارے شہریاں خاص طور تے غریب لوکاں کوں صحت دیاں چنگیاں سہولتاں دی فراہمی سانگے خصوصی ترجیح ڈتی ہے ،حکومت ہسپتالاں اچ علاج معالجے دیاں عالمی معیار دیاں سہولتاں دی دستیابی یقنی بنڑاونڑ سانگے بہوں سارے اقدامات کیتے ہن ۔سائرہ افضل تارڑآکھیا جو طبی آلات دا اندراج تے باضابطہ معائنہ کیتا ویندا پیا ہے تے کہیں وی نویں آلے دے استعمال سانگے لائسنس داحصول پیشگی شرط ہے ۔
