خیبر ایجنسی اچ ریموٹ کنٹرول بم دھماکا، امن کمیٹی دے رضا کاراں سمیت 5بندے جاں بحق،ودھ سارے زخمی

اسلام آباد (پاکستان نیوزپوائنٹ 22مئ2017ء) خیبر ایجنسی اچ ریموٹ کنٹرول بم دھماکے پاروں 5 بندے جاں بحق اتے بہوں سارے زخمی تھی گے ہن ۔نجی ٹی وی چینل دے مطابق سنوار دی سویل خیبر ایجنسی دے علاقے وادی تیراہ اچ خیل دی جاہ تے امن کمیٹی دی گاڈی کوں ایں ویلھے ریموٹ کنڑول بم دا نشانہ بنڑایا گیا جڈاں او دفتر توں مسیت دے پاسے ویندی پئی ہئی۔ دھماکے پاروں امن کمیٹی ڈے ڈو رضا کاراں سمیت 5 بندے موقع تے جاں بحق تے بہوں سارے زخمی تھی گے ہن ۔ زخمیاں کوں طبی امداد سانگے نیڑے ہسپتال منتقل کر ڈتا گیا ہے۔ سکیورٹی فورسز علاقے کوں گھیرے اچ گھن تے تحقیقات شروع کر ڈتیاں ہن۔