اسلام آباد (پاکستان نیوزپوائنٹ 10اگست 2016ء) پاکستان مسلم لیگ( ن )دے سینیٹر جاوید عباسی آکھیا اے جو پوری دنیا دہشت گردی دے خلاف جنگ وچ پاکستان دیاں کوششاں کوںخراج تحسین پیش کر یندی پئی ہے۔ ریڈیو پاکستان نال گالھ مہاڑکریندے ہوئیں انھاں آکھیاجو کوئٹہ واقعے دی جتنی وی مذمت کیتی ونجے گھٹ ہے۔انھاں آکھیاجو کجھ شر پسند عناصر ایں طرح دیاں بزدلانہ کارروائیاں دے ذریعے پاکستان کوں غیر مستحکم کرنڑ چاہندے ہن.اتے ایجھیاں سرگرمیاں دے ذریعے لوکاں کوں خوفزدہ کرنڑ دیاں کوششاں کر یندے پئے ہن۔
انھاں آکھیا جو موجودہ حکومت دے دہشتگرداں دے خلاف سنجیدہ اقدامات دی وجہ نال اوہ اپنڑے مقاصد وچ کامیاب کائناں تھیسن۔ سینیٹر جاوید عباسی آکھیا جو پاکستان مسلم لیگ (ن) دی حکومت پاک سرزمین وچوں دہشتگردی کوں منڈھوں مکاونڑ سانگے پرعزم ہے اتے اساڈیاں سیکورٹی فورسز ملک وچوں دہشتگردی کوں منڈھوں مکا ڈیسن۔ انھاں آکھیا جو دہشتگرداں دے خلاف جاری آپریشن نال دہشتگرداںدی پسلی ترٹ گئی ہے اتے بہوں جلدی پاکستان ہک محفوظ اتے پر امن ملک بنڑ تے سامنڑے آوسی ۔
