حکومت اتے فوجی قیادت ہر قیمت تے ملک وچوں دہشت گردی دی لعنت کوں مکاونڑ سانگے پرعزم ہن، راجہ ظفرالحق

حکومت اتے فوجی قیادت ہر قیمت تے ملک وچوں دہشت گردی دی لعنت کوں مکاونڑ سانگے پرعزم ہن، راجہ ظفرالحق

اسلام آباد (پاکستان نیوزپوائنٹ 10اگست 2016ء) سنیٹر راجہ ظفر الحق آکھیا اے جو حکومت اتے فوجی قیادت ہر قیمت تے ملک وچوں دہشت گردی دی لعنت کو ں مکاونڑ سانگے پرعزم ہن۔ ریڈیو پاکستان نال گالھ مہاڑ کریندے ہوئیں انھاں آکھیا جو کوئٹہ سول ہسپتال وچ بمب دھماکاپشاوروچ تھیونڑ آلے اے پی ایس حملے نال رلدا ملدا رکھیندا ہے ۔ بمب دھماکے دی سختی نال مذمت کریندے ہوئیں انھاں آکھیا جو ایں سانحے تے پورا ملک ڈکھ اتے افسوس دی حالت وچ ہے۔

راجہ ظفرالحق آکھیا جو ایں واقعے وچ کئی قیمتی جاناں دا ضیاع تھیا ہے۔ انھاں آکھیا جو چیف آف آرمی سٹاف شدت پسنداں دے خلاف کارروائیاں کوںہور زیادہ تکھاکرنڑ دی ہدایت کیتی ہے ۔ انھاں آکھیا جو سیکیورٹی فورسز عسکریت پسنداں دے خلاف بلا تفریق کارروائیاں جاری رکھے ہوئے ہن اتے ڈھگ سارے دہشتگرد کامیاب آپریشن ضرب عضب دی وجہ نال فرار تھی گئے ہن جنہاںکوں لبھنڑ اتے اناہں دے ٹھکانڑیاں کوں تباہ کرنڑسانگے کارروائیاں کیتیاں ویندیاں پن ۔سنیٹر راجہ ظفر الحق آکھیا جو حکومت اتے فوجی قیادت کوں ہر قیمت تے ملک وچوں دہشتگردی دی لعنت کوں مکاونڑ سانگے بئے اقدامات کر یندے پن۔