پرائیویٹ سکیم دے تحت حج اپریشن اچ حصہ گھننڑ آلیاں کمپنیاں دی حتمی فہرست وختی جاری تھیسی ،وزارت مذہبی امور

اسلام آباد (پاکستان نیوزپوائنٹ 8مئ2017ء) وزارت مذہبی امور پرائیویٹ سکیم دے تحت حج اپریشن 2017اچ حصہ گھننڑ آلیاں کمپنیاں دے کاغذات دی چھان بین سانگے پورے طور تے وختی فہرست جاری کریسی ۔سنوار کوں وزارت مذہبی امور دے ذرائع اے پی پی نال خصوصی گالھ مہاڑ کریندے ہوئیں آکھیا ہے جو حج ٹور اپریٹر دی تنظیم ہوپ پرائیویٹ تے سرکاری سکیم وچال حج کوٹے دی ونڈ دے معاملے تے سندھ ہائی کورٹ اچ چیلنج کر رکھیا ہے ۔اے فیصلہ آونڑ دے بعد ہی پرائیوٹ ٹور اپریٹرز اچ حج کوٹہ ونڈ ڈتا ویسی تاں جو ذرائع آکھیا جو پہلے حج اپریشن اچ حصہ گھننڑ آلیاں کمپنیاں اپنڑے طور تے بکنگ کریندیاں پیاں ہن ۔انہاں آکھیا جو گزریل سال وی حج اپریشن اچ 742کمپنیاں حصہ گھدا ۔