اسلام آباد (پاکستان نیوزپوائنٹ 5مئ2017ء) پاکستان چمن دے نیڑے پاک افغان سرحد تے افغان سیکیورٹی فورسز دی بلااشتعال فائرنگ تے ودھ ساری تشویش دااظہار کریندے ہوئیں خبر دارکیتا ے جو اگر پاکستانی علاقے اچ فائرنگ دا سلسلہ وختی بند نہ کیتا گیا تاں پاکستان علاقائی خودمختاری اتے اپنڑے شہریاں دے تحفظ سانگے جواب ڈیونڑ دا حق رکھیندا ہے ، افغانستان دا معاملہ صرف گالھ مہاڑ دے ذریعے حل کیتا ونج سگدا ہے ، افغانستان اچ قیام امن سانگے پاکستان اپنڑیاں کوششاں جاری رکھیسی ، مقبوضہ کشمیر اچ ضمنی انتخابات دے بعد انسانی حقوق دی صورتحال مزید وگڑ گی ہے،عالمی برادری صورتحال تے قابو پاونڑ تے کشمیریاں کوں حق خودارادیت ڈیواونڑ اچ اپنڑاں کردار ادا کرے ۔
دفتر خارجہ دے ترجمان محمد نفیس زکریا جمعے کوں ہفتہ وار پریس بریفنگ دے دوران صحافیاں دے مختلف سوالاں دا جواب ڈیندے ہوئیں چمن دے نیڑے پاک افغان سرحد تے افغان فورسز ولوںبلا اشتعال فائرنگ تے ودھ ساری تشویش دااظہار کیتا ہے تے آکھیا ہے جو اگر افغانستان بلااشتعال فائرنگ دا سلسلہ وختی بند نہ کیتا تاں پاکستان علاقائی خود مختاری تے اپنڑے شہریاں دے تحفظ سانگے چنگاں جواب ڈیسی ۔
ترجمان آکھیا جو پاکستان خود مختار ملک ہے تے اپنڑے علاقے اچ مردم شماری کریندا پیا ہے مردم شماری توں پہلے افغانستان کوں ڈسایا گیا ہئی لیکن ایندے باوجود افغان فورسز دی فائرنگ افسوسناک تے قابل مذمت ہے ۔انہاں آکھیا جو افغانستان دامسئلہ اندرلا مسئلہ ہے تے الزام لاونڑ نال مسئلے حل کائنی صرف الزاماںتے بیان بازی نال امن دے قیام اچ مدد مل ویسی۔
انہاںآکھیا جو بھارتی ظلم تے بربریت اچ ودھارے دے بعد عالمی برادری ہنڑ مسئلہ کشمیر تے توجہ ڈتی ہے ۔ترجمان آکھیا جو بھارتی فوج صرف اپریل دے مہینے اچ 25بے گناہ کشمیریاں کوں شہید کیتا ،انہاںشہیداں اچ ڈو تریمتاں تے 11بال وی شامل ہن جڈاںجو447حریت رہنماواں تے طالب علماںکوں وختی گرفتار کیتا گیا ہے ۔انہاںآکھیا جو سری نگر اچ ضمنی انتخابات دے بعد انسانی حقوق دی مزید صور ت حال وگڑگی ہے ۔
