آندے سال 10 ہزار میگا واٹ بجلی نیشنل گریڈ اچ شامل کرڈتی ویسی،پیر صابر شاہ

اسلام آباد(پاکستان نیوز پوائنٹ 05 اگست 2016ء) پاکستان مسلم لیگ (ن) دے ر ہنما پیر صابر شاہ آکھیا ہے جو آندے سال10 ہزار میگا واٹ بجلی نیشنل گریڈ اچ شامل کر ڈتی ویسی۔ ریڈیو پاکستان نال گالھ مہاڑ کریندے ہوئیں انہاں آکھیا جو ماضی اچ پاکستان دہشت گردی تے توانائی بحران اچ جکڑیا ہویا ہا ،صنعتاں دا برا حال ہا عوام 18گھنٹے دی لوڈشیڈنگ پاروں سڑکاں تے احتجاج کرنڑ تے مجبوری تھی گی ۔انہاں آکھیا جو پاکستان مسلم لیگ ن دی موجودہ حکومت اقتدار اچ آئی تاں توانائی دے پراجیکٹس دے کم شروع کیتا تے ایندی پہلی ترجیح توانائی دے بحران تے قابو پاونڑ ہا ۔انہاں آکھیا جو موجودہ حکومت لوڈشیڈنگ دے خاتمے سانگے 2018دا ہدف مقرر کیتا ہے ۔