خان پور، مختلف وارداتاں اچ ترائے تریمتیں سمیت ہک نینگر اغوائ

خان پور(پاکستان نیوز پوائنٹ 04 اگست 2016ء) خان پور، مختلف وارداتاں اچ ترائے تریمتیں سمیت ہک نینگر اغواء تھی گئیا۔تفصیل دے مطابق چک1100پی کے دے رہنڑ آلے محمد صدیع دے پُتر اتے دھی کوں نا معلوم بندیاں اغواء کر گھدا اتے گھر اچ پئے ہک لکھ دے زیور اتے 20ہزار نقدی لُٹ تے بھج گئے ۔ڈوجھی واردات اچ موضع مٹھا میرانی دے رہنڑ آلے محمد ایاز دی دھی کوں محمد آصف اتے اوندے ساتھی اغواء کر گھدا،اتے ریاض احمد دی ہمشیرہ کوں شاہد علی اتے اوندے ڈو ساتھیاں اغواء کر گھدا،پولیس انج انج مقدمے درج کر تے تفتیش شروع کر ڈتی اے۔