میر پور خاص اچ درجہ حرارت 44 ڈگری سنٹی گریڈ تئیں پج گیا

میر پور خاص اچ درجہ حرارت 44 ڈگری سنٹی گریڈ تئیں پج گیا

اسلام آباد (پاکستان نیوز پوائنٹ 29مارچ2017ء) میر پور خاص اچ درجہ حرارت 44 ڈگری سنٹی گریڈ تئیں پج گیا۔ پی ٹی وی دے مطابق ملک دے میدانی علاقیں اچ سورج پوری آب و تاب نال چمکدا پیا ہے ، سندھ ، پنجاب اتے بلوچستان دے شہراں اچ گرمی اتے دھپ دی شدت اچ ودھارا تھی گیا ہے جڈاں جو میر پور خاص دا درجہ حرارت 44ڈگری سنٹی گریڈ تئیں ونج پجا ہے ۔محکمہ موسمیات دے مطابق سندھ اچ لاڑکانہ ، نواب شاہ ، جیکب آباد ، حیدر آباد سمیت بئے میدانی علاقیں اچ گرمی دی شدت ودھ گی ہے ، بلوچستان دے مختلف علاقیں اچ وی ڈوپہر دے ویلھے گرم ہوائیں چلنڑ نال گرمی دی شدت اچ کئی گنا ودھارا تھی گیا ہے جڈاں جو پنجاب اچ ملتان، بہاولپور، سرگودھا، گوجرانوالہ سمیت بئے شہراں اچ حبس لوکاں دی اوکھ اچ ودھار ا کر ڈتا ہے ،ڈوجھے پاسے اتلے علاقیں اچ موسم ہنڑ تئیں ٹھڈا ہے ۔