آندے ڈو ڈینھ دے دوران جنوبی پنجاب ،تلویں خیبر پختونخوا ،سندھ اتے مشرقی بلوچستان اچ مینھ وسنڑ دا امکان

آندے ڈو ڈینھ دے دوران جنوبی پنجاب ،تلویں خیبر پختونخوا ،سندھ اتے مشرقی بلوچستان اچ مینھ وسنڑ دا امکان

اسلام آباد (پاکستان نیوز پوائنٹ 04 اگست 2016ء) محکمہ موسمیات دے مطابق آندے ڈو ڈینھ دے دوران جنوبی پنجاب ،تلویں خیبر پختونخوا ،سندھ اتے مشرقی بلوچستان اچ کہیں کہیں جاہ تے مینھ جڈاں جو ڈی جی خان تے بلوچستان دے کجھ برساتی نالیں اچ طغیانی دا امکان ہے ۔پی ٹی وی دی رپورٹ دے مطابق گزریل 24گھٹنے دے دوران اتلے پنجاب، اتلے خیبرپختونخوا، فاٹا، ، ژوب، سکھر، حیدر آباد ، گلگت بلتستان تے کشمیر ،رحیم یار خان ،تے خانپور اچ مینھ وسیا۔

ملک دے بئے علاقیاں اچ موسم گرم تے رکھا رہیا۔ساریں توں ودھ مینھ کے پی کے دے علاقے دیر اچ 63 ملی میٹرریکارڈ کیتی گی جڈاں جو ساریں توں ودھ درجہ حرارت تربت اچ46 ڈگری سینٹی گریڈ ریکارڈکیتا گیا۔آندے 24 گھنٹے دے دوران جنوبی پنجاب، تلویں خیبرپختونخوا، سندھ دے ساحلی علاقیاں، مالاکنڈ، ہزارہ، فاٹا کوئٹہ ، ژوب تے کشمیر اچ کجھ جہیں تے تکھی ہوا دے نال کھمنڑ نال مینھ وسسی جڈاں جوڈی جی خان تے بلوچستان دے کجھ برساتی نالیں اچ طغیانی دا امکان ہے۔ محکمہ موسمیات دے مطابق مینھ دا سلسلہ آندے ڈو ڈینھ تئیں جاری رہسی۔