گھراں دی تعمیر سانگے قرضیاں دے اجراءدی شرح وچ 4 فیصد گھٹکی

گھراں دی تعمیر سانگے قرضیاں دے اجراءدی شرح وچ 4 فیصد گھٹکی

اسلام آباد (پاکستان نیوز پوائنٹ 04 اگست 2016ء) گھراں دی تعمیر سانگے قرضیاں دے اجراءدی شرح وچ4 فیصد گھٹکی واقع تھئی ہے۔31مارچ 2016ءتئیں 12مہینے دے عرصے دے دوران 67 ہزار 625 بندیاں کوں گھراں دی خریدتے تعمیر سانگے قرضے جاری کیتے گئے جڈانجو ایں توں پہلے گزریل سال دے ایںعرصے دے دوران 70 ہزار 36بندیاں کوں قرضے فراہم کیتے گئے ہن۔ سٹیٹ بینک آف پاکستان دی رپورٹ مطابق 31مارچ 2016ءکوں مکنڑ آلی سہ ماہی دے دوران 5.35 ارب روپے دے قرضے جاری کیتے گئے اتے 1055 بندیاں ایں سہولت توں فائدہ چاتا جڈانجو گزریل سال دے ایں عرصے دے دوران بینکاں اتے مالیاتی اداریاں ولوں گھراں دی تعمیرتے خرید سانگے 23.2ارب روپے دے قرضہ جات جاری کیتے ہن۔

رپورٹ دے مطابق جاری سال دی پہلی سہ ماہی دے دوران قرضیاں دے اجراءدے حوالے نال اسلامی بینکاری داشعبہ نمایاں رہیاجیں نے 3.14ارب روپے دے قرضے جاری کیتے جڈانجو نجی بینکاں ولوں 1.11 ارب روپے اتے ہاﺅس بلڈنگ فنانس کارپوریشن 878 ملین روپے دے قرضے فراہم کیتے ایں طرح نجی شعبے دے مالیاتی اداریاں ولوں 216 ملین روپے دے قرضہ جات جاری کیتے گئے۔ گھراں دی تعمیر اتے خریداری سانگے اسلامی بینکاری داشعبہ نمایاں خدمات سرانجامڈیندا پئے جیندے نال رہائشی ضرورتاں دی تکمیل وچ معاونت ملدی پئی ہے۔