حسن ابدال دے نیڑے مسافر ویگن دے حادثے وچ 18 بندے زخمی

اسلام آباد (پاکستان نیوز پوائنٹ 04 اگست 2016ء) حسن ابدال دے نیڑے مسافر ویگن پل توں تلے ڈھونڑ دے نتیجے وچ 18 بندے زخمی تھی گئے ہن۔ نجی ٹیلی ویژن دے مطابق مانسہرہ توں راولپنڈی آونڑ آلی مسافر ویگن تکھی رفتارپاروں حسن ابدال دے نیڑے پل توں تلے ڈٹھی جیندے نتیجے وچ 3 بالا تے 2 تریمتاں سمیت 18 بندے زخمی تھی گئے۔ریسکیوذرائع دے مطابق زخمیاں کوں تحصیل ہیڈ کوارٹر ہسپتال حسن ابدال اتے پی او ایف ہسپتال منتقل کر ڈتا گئے۔ جتھاں ترائے زخمیاں دی حالت تشویشناک ڈسائی گئی ہے۔