کوئٹہ وچ سڑک کنارے نصب بمب پھٹنڑ دے نتیجے وچ 3 سکیورٹی اہلکاراں سمیت 5 بندے زخمی

کوئٹہ وچ سڑک کنارے نصب بمب پھٹنڑ دے نتیجے وچ 3 سکیورٹی اہلکاراں سمیت 5 بندے زخمی

اسلام آباد (پاکستان نیوز پوائنٹ 04 اگست 2016ء) کوئٹہ دے علاقے سپنی روڑ تے سڑک کنارے نصب بمب پھٹنڑ دے نتیجے وچ 3 سکیورٹی اہلکاراں سمیت 5 بندے زخمی تھی گئے ہن۔ نجی ٹیلی ویژن نال گالھ مہاڑ کریندے ہوئیں کوئٹہ دے ڈی آئی جی چوہدری منصور سرور آکھیا جو سپنی روڑ تے واقع پرانڑے بس ڈپو دے نیڑے دھماکا ایجھے ویلھے تھیا جڈاں سکھر توں آونڑ آلے زائرین دیاں ترائے بساں سکیورٹی حصار وچ اتھوں لنگھدیاں پئیاں ہن۔ انھاں ڈسایا جو دھماکے دے نتیجے وچ3 سکیورٹی اہلکاراں سمیت 5 بندے زخمی تھئے ہن۔ ڈی آئی جی دا آکھنڑ ہا جو دھماکہ خیز مواد سڑک کنارے نصب ہا اتے ریمورٹ کنٹرول ڈیوائس دے ذریعے دھماکہ کیتا گیا ہے۔ سکیورٹی فورسز علاقے کوں گھیرے وچ گھندے ہوئیں تحقیقات دا عمل شروع کر ڈتا ہے۔