رحیم یار خان(پاکستان نیوز پوائنٹ 24مارچ2017ء) ایڈیشنل ڈپٹی کمشنر(جنرل) رحیم یار خان محمد حنیف آکھیا ہے جو تعلیم دے بغیر ترقی ممکن کائنی تے وطن عزیز اچتعلیم دے ودھارے سانگے ہر بندے کوں حکومتی کوششاں دا ساتھ ڈیونڑاں چاہیدا ہے ۔انہاںآکھیا جو حکومت پنجاب تعلیم دے ودھارے تے حصول تعلیم سانگے عملی طور تے کم کریندی پئی ہے جڈاں جو ہونہار بالان دی حوصلہ افزائی تے اہاں کوں اپنڑیاں تدریسی سرگرمیاں بلا تعطل جاری رکھنڑ سانگے ودھ ساری رقم خرچ کریندی پئی ہے ۔
ان خیالاں دا اظہار انہاں شیخ زید پبلک سکول دے سالانہ امتحانی نتائج دی تقر یب توں خطاب کریندے ہوئیں کیتا ۔انہاں پرنسپل ادارہ نجیب اللہ خان ، استاداں دیاں ودھ ساریاں محنتاں کوں چنگاں اکھیندے ہوئیں طالب علماں کوں مبارخ ڈتی ۔تقریب اچ تعلیمی ا داریں دے سربراہان محمد عارف یونس، مسز تسنیم فضلی، آصف جلیل سمیت بئے والدین تے طالب علماں دی ودھ ساری تعداد موجود ہئی ایں موقع تے کامیاب طالب علماں اچ انعام ونڈیے گے
