اسلام آباد (پاکستان نیوز پوائنٹ 24مارچ2017ء) سینیٹ دی قائمہ کمیٹی سائنس تے ٹیکنالوجی دی ذیلی کمیٹی دا اجلاس جمعے کوں اتھاںسینیٹر محمد اعظم خان سواتی دی زیر صدارت پارلیمنٹ ہائوس اچ تھیا۔ ذیلی کمیٹی دے اجلاس اچ کامسیٹس یونیورسٹی اسلام آباد بل 2017 اچ ویٹنگ دے دوران وزارت قانون کوں بھیجے گے بل اچ ترامیم دے معاملات دا تفصیل نال جائزہ گھدا گیا ۔
ذیلی کمیٹی بل اچ کرائی گئی ترامیم دے حوالے نال تفصیلی جائزہ گھندے ہوئیںوزارت قانون توں تحریری رپورٹ منگ گھدی ۔سینیٹر میاں محمد عتیق شیخ آکھیا جو کامسیٹس یونیورسٹی دا بل وزارت سائنس و ٹیکنالوجی چار متعلقہ اداریں رل تے تیار کیتا ہے ایں بل دی منظوری کیبنٹ ڈویژن توں گھدی گی ہے تے کیبنٹ ڈویژن دی قانون ساز کمیٹی وی بل دی منظوری ڈتی جیرھی جو وزارت قانون کوں ویٹنگ (منظوری)سانگے بھیجا گیا ۔ بل اچ بہوں ترامیم کیتیاں گیاں ۔ اے ترامیم کن مقاصد سانگے کیتیاں گیاں انہاں دے اصل محرکات سامنڑے لاتے ویسن ۔
