رینجرز اختیارات بارے پیپلز پارٹی دی قیادت دے بیانات اتے تنقید حیران کن اتے سمجھ توں باہر ہے ، حکومت سندھ دا نوٹیفیکشن مستردتھئے اتے نہ ہی ایں بارے کئی باضابطہ اعلان کیتا گئے ،ترجمان وزارت داخلہ

اسلام آباد (پاکستان پوائنٹ نیوز 03 -اگست 2016ء) وزارت داخلہ دے ترجمان آکھے جو پیپلز پارٹی دی قیادت ولوں رینجرز اختیارات بارے بیانات اتے تنقید حیران کن اتے سمجھ توں باہرہے ۔ ترجمان وزارتِ داخلہ ولوں بدھ کوں اتھاں جاری بیان دے مطابق گزریل ڈو ہفتیاں توں رینجرز سندھ اچ اختیارات دے بغیر موجودہن ۔ وزارتِ داخلہ دیاں ولا ولا یاد دہانیاں دے باوجود وی نہ تاں ایں بارے حکومت سندھ ولوں کئی اگوہیں ڈیکھنڑ اچ آئی اتے نہ ہئی پیپلز پارٹی دی قیادت کہیں بے صبری دا مظاہرہ کیتے جیہڑاجو ہنڑ کیتا ویندا پئے ۔

ترجمان آکھے جو رینجرز دے اختیارات اچ تو سیع بارے نوٹیفیکیشن وزارتِ داخلہ کوں گزریل ڈینھ ملیا ہے جیندا قنونی ماہر جائزہ گھندے پئے ہن ۔ بیان اچ آکھیا گئے جو قنونی ماہرین حکومت سندھ دے نوٹیفیکیشن اچ تضادات دی نشاندہی کیتی ہے۔ایں بارے وزیرِداخلہ حتمی فیصلہ اج اجلاس دے بعد کریسن۔