اسلام آباد(پاکستان پوائنٹ نیوز 03 -اگست 2016ء) چیف آف آرمی سٹاف جنرل راحیل شریف ہک ڈینھ دے دورے تے چین دے شہر ارومچی پج گئے ہن ۔ پاک فوج دے شعبہ تعلقات عامہ (آئی ایس پی آر) دے مطابق آرمی چیف چین دی پیپلز لبریشن آرمی دے چیف آف جنرل سٹاف جنرل وانگ نال ملاقات کیتی جیندے اچ ڈوہائیں ملکاں دیاں مسلح افواج اچ تعاون،ڈو طرفہ سیکورٹی تعاون اتے چین پاکستان اقتصادی راہداری منصوبے کیتے لمبے عرصے دی سکیورٹی سمیت بئے امور تے گالھ مہاڑ کیتی گئی ۔
آرمی چیف ہک ڈینھ دے دورے اچ ارومچی اچ صوبہ سنکیانگ دے پارٹی سیکرٹری ژانگ چن شیان نال انج ملاقات کیتی جیندے اچ پاک چین ڈو طرفہ تعلقات اتے علاقائی سلامتی بارے امور خاص طور تے پاک چین اقتصادی راہدری دی تکمیل اتے سکیورٹی دے معاملیاں تے گالھ مہاڑ کیتی گئی ۔
