اسلام آباد (پاکستان پوائنٹ نیوز 03 -اگست 2016ء) پاکستان سٹیٹ آئل گزریل 16 مہنیاں اچ بجلی پیدا کرنڑآلیاں مختلف کمپنیاں توں 293 ارب روپے وصول کیتے ہن ۔ وزارت پٹرولیم تے قدرتی وسائل دے ذرائع دے مطابق بجلی پیدا کرنڑآلیاں کمپنیاں مجموعی طور تے 308 ارب روپے پی ایس او کوں ادا کرنڑیں ہن ،جنہاں دی وصولی کیتے اقدامات کیتے ویندے پئے ہن ۔ جنوری 2015ء دے شروع تے 181 ارب روپے دا گردشی قرضہ ہئی جیندے اچوں حکومتی اقدامات پاروں نمایاں کمی تھئی ہے ۔
حکومت پی ایس او کوں فرنس آئل دیاں ادائیگیاں کیتے وی ہک جامع حکمت عملی اختیار کیتی ہے تانجو گردشی قرضہ اچ بیا ودھارا نہ تھی سگے ۔ واپڈا پیپکو دے ذمہ پی ایس او دے 104 ارب 30 کروڑ روپے، حبکو دے ذمہ 39 ارب 50 کروڑ روپے، کیپکو دے ذمہ 2 ارب 40 کروڑ روپے اتے صباء پاور سدرن الیکٹرک کمپنی دے ذمہ 40 کروڑ روپے دے واجبات ہن ۔
