پاکستان دے ترکمانستان نال بھراواں آلے تعلقات ہن ، ڈوطرفہ تعلقات سانجھے عقیدے ،

ثقافت اتے روایات تے بنیاد رکھیندے ہن صدر مملکت ممنون حسین دی ترکمانستان دی پارلیمان دی چئیر پرسن محترمہ اکجانربردیوا دی قیادت اچ وفد نال ملاقات اچ گالھ مہاڑ

پاکستان دے ترکمانستان نال بھراواں آلے تعلقات ہن ، ڈوطرفہ تعلقات سانجھے عقیدے ،
 ثقافت اتے روایات تے بنیاد رکھیندے ہن صدر مملکت ممنون حسین دی ترکمانستان دی پارلیمان دی چئیر پرسن محترمہ اکجانربردیوا دی قیادت اچ وفد نال ملاقات اچ گالھ مہاڑ

اسلام آباد (پاکستان پوائنٹ نیوز 03 -اگست 2016ء) صدر مملکت ممنون حسین آکھے جو پاکستان دے ترکمانستان نال بھراواں آلے تعلقات ہن جیہڑے جو سانجھے عقیدے ، ثقافت اتے روایات تے بنیاد رکھیندے ہن ۔ صدر مملکت اے گالہیں ترکمانستان دی پارلیمان دی چئیر پرسن محترمہ اکجانربردیوا دی قیادت اچ وفد نال بدھ کوں ایوان صدر اچ ملاقات اچ آکھیاں۔ ایں موقعے تے سپیکرقومی اسمبلی سردار ایاز صادق وی موجود ہن ۔

صدر مملکت زور ڈتا جو ڈوہائیں ملکاں دے پارلیمانی رکناں اتے کمیٹیاں وچال مضبوط رابطے ہونڑیں چاہیدے ہن ۔ صدر مملکت ایں موقعے تے آکھیا جو ڈوہائیں ملکاں اچ تجارتی حجم صلاحیت توں گھٹ ہے ،جیکوں بیا ودھاونڑ دی لوڑ ہے ۔ انہاں آکھیا جو ڈوہائیں ملکاں ولوں تجارت دے ودھارے کیتے سرمایہ کاراں کوںآسان ویزے دیاں سہولتاں ڈیونڑ دی لوڑ ہے تانجو ڈوطرفہ تجارت اچ ودھارا تھی سگے ۔

صدر مملکت ایں گالھ تے زور ڈتا جو ڈوہائیں ملکاں دے لوکیں وچال ڈوطرفہ رابطے کیتے کاروباری لوکیں اتے سیاحواں دی سہولت سانگے فضائی سروس شروع کیتی ونجنڑیں چاہیدی ہے ۔ صدر مملکت آکھیا جو ترکمانستان،افغانستان، پاکستان ، بھارت (تاپی) گیس پائپ لائن منصوبہ علاقائی توانائی دی سلامتی اتے خوشحالی کیتے بہوں وڈا منصوبہ ہے اتے پاکستان ایں منصوبے کوں ویلھے تے پوراکرنڑ سانگے پر عزم ہے ۔

صدر مملکت ترکمانستان ولوں 100 میگاواٹ بجلی دی پیش کش دا شکریہ ادا کیتے۔صدر مملکت آکھے جو پاک چین اقتصادی راہداری اتے تاپی منصوبے نال سارے خطے اچ خوشحالی امسی اتے علاقائی رابطے نال انہاں موقعاں توں فیدہ چاونڑاں چاہندے ۔ ترکمن پارلیمان دی چئیرپرسن محترمہ اکجانربردیوا آکھے جو ترکمانستان پاکستان نال مضبوط تعلقات چاہندے جیہڑا جو ڈوہائیں ملکاں دے فیدے اچ ہے ۔ انہاں صدر مملکت کوں ڈسایا جو ترکمانستان علاقائی ملکاں کون بجلی ڈیونڑ سانگے تاپی گیس پائپ لائن دے نال نال بجلی دی لائن وچھانڑ تے کم کریندا پئے ۔ صدر مملکت امید کیتی ہے جو وفددا اسلام آباد اچ قیام خوشگوار اتے یاد گار ہوسی ۔