اسلام آباد (پاکستان پوائنٹ نیوز 03 -اگست 2016ء) پنجاب اچ جنگلات دے زیر کاشت رقبہ اچ ودھارے دی حکمت عملی نال 2016دے جاری ساونڑ سیزن دے دوران صوبے اچ 90لکھ نویں بوٹے لاتے ویسن ۔ صوبائی وزیر جنگلات ' جنگلی حیات تے ماہی گیری ملک محمد آصف اعوان آکھیا ہے جو شجر کاری دے ہدف دے حصول سانگے عوام اچ آگاہی پیدا کرنڑ سانگے خصوصی مہم چلائی ویسی تاں جو عوام کوں درختاں دی اہمیت بارے ڈسایا ونج سگے ۔
انہاں آکھیا جو شجر کاری مہم کوں کامیاب بنڑاونڑ سانگے پورے صوبے اچ مختلف نرسریاں تے وی خصوصی پروگرام منعقد کرائے ویسن۔ انہاں آکھیا جو صوبائی حکومت پنجاب اچ جنگلات دے زیر کاشت شعبے اچ ودھارے تے خصوصی توجہ ڈیندی پئی ہے تاں جو ماحولیاتی آلودگی تے موسمی تغیرات دے مسلیں دے خاتمے کوں یقینی بنڑایا ونج سگے
