اسلام آباد (پاکستان پوائنٹ نیوز 03 -اگست2016 ء) وفاقی وزیر برائے پارلیمانی امور شیخ آفتاب احمد آکھیا اے جو توانائی بحران تے قابو کرنڑ سانگے ہائیڈرل ، ونڈ اتے شمسی توانائی دے مختلف منصوبیاں کوں ترجیحی بنیادیں تے پورا کیتا ویندا پئے۔ ریڈیو پاکستان نال گالھ مہاڑ کریندے ہوئیں انھاں آکھیا جو پاکستان مسلم لیگ (ن )دی موجودہ حکومت توانائی بحران تے قابو پاونڑ سانگے توانائی دے سارے منصوبیاں دی وختی تکمیل وچ گھاٹی دلچسپی گھندی پئی ہے ۔
انھاں آکھیا جو گزریل حکومت توانائی بحران دے ایں مسئلے کوں نظر انداز کیتا ہائی۔ شیخ آفتاب آکھیا جو موجودہ حکومت توانائی بحران دے مختلف منصوبیاں کوں پورا کرنڑ سانگے 4 ارب ڈالر توں ودھ دی رقم مختص کیتی ہے۔ انھاں آکھیا جو ملک وچ توانائی بحران تے قابو پاونڑ سانگے جوہری ، ہائیڈرل ، ونڈ اتے شمسی توانائی دے مختلف منصوبیاں کوں ترجیحی بنیاداں تے مکمل کیتا ویندا پئے ۔
انھاں آکھیا جو 2018 ء تائیں لوڈشیڈنگ تے قابو پاونر موجودہ حکومت دی پہلی ترجیح ہے تاں جو ایں دوران صنعتاں کوںبغیرکہیںوقفے دے بجلی دی فراہمی جاری راہسی ۔ ایں موقع تے پاکستان مسلم لیگ( ن )دے سینیٹر محمد جاوید عباسی آکھیا جو مو جودہ حکومت دی اولین ترجیح عوام کوں لوڈشیڈنگ توں جان چھڑاونڑ ہے۔ انھاں آکھیا جو1980ء وچ شروع کیتے گئے توانائی دے منصوبے وی بدقسمتی نال گزریل ادوار وچ مکمل نی کیتے گئے۔ انھوں آکھیا جو صوبہ پنجاب دی حکومت وی توانائی بحران تے قابو پاونڑ سانگے بھر پور کوششاںکر یندی پئی ہے۔
