ہندواں دے دربار تے حملے کرنڑ آلیاں کوں سزا ملنڑی چاہیدی اے،واقعہ دی تحقیقات کرائی ونجے

اسلام آباد (پاکستان پوائنٹ نیوز 02 -اگست2016 ء) مسلم لیگ (ن) دے رکن قومی اسمبلی ڈاکٹر درشن آکھیا جو ہندواں دے دربار تے حملے کرنڑ آلیاں کوں سزا ملنڑی چاہیدی اے،واقعہ دی تحقیقات کرائی ونجے۔منگل کوں قومی اسمبلی دے اجلاس اچ ڈاکٹر درشن نے توجہ مبذول نوٹس اچ آکھیا جو گھوٹکی اچ قرآن پاک ساڑنڑ دا واقعہ پیش آیا۔ہک بندے کوں پکڑ تے ایف آئی آر درج کیتی گئی ۔اوندے بعد اتھاں احتجاج شروع تھی گیا اتے ہندواںدے دربار تے حملہ کیتا گئیا۔ہندو برادری قرآن پاک دا گیتا دی طرح احترام کریندی اے۔جئیں بندے کوں پکڑیا گئے پولیس دے مطابق او مسلمان تھی گئے اتے ذہنی عارضہ اچ وی مبتلا اے پر اساڈے دربار تے حملے دا کوئی جواز کائنی ۔انہاں آکھیا جو جئیں وی اے کیتے اونکوں سزا ملنڑی چاہیدی اے ۔