انسداد بدعنوانی (ترمیمی) بل 2016ء قومی اسمبلی اچ پیش

اسلام آباد (پاکستان پوائنٹ نیوز 02 -اگست2016 ء) انسداد بدعنوانی (ترمیمی) بل 2016ء قومی اسمبلی اچ پیش کرڈتا گیا جیں کوں مزیدکاروائی سانگے متعلقہ کمیٹی دے حوالے کر ڈتا گیا ۔ منگل کوں قومی اسمبلی دے اجلاس اچ جماعت اسلامی دے رکن شیر اکبر خان تحریک پیش کیتی جو انسداد بدعنوانی (ترمیمی) بل 2016ء پیش کرنڑ دی اجازت ڈتی ونجے۔ انہاں آکھیا جو انسداد بدعنوانی دے ایکٹ اچ اساں چار ترامیم تجویزکیتیاں ہن جیں اچ کرپشن دے سبد باب اچ مدد ملسی۔ وزیر قانون زاہد حامد آکھیا جو بل کوں قائمہ کمیٹی دے حوالے کیتا ونجے ۔ایوان توں تحریک دی منظوری دے بعد شیر اکبر خان بل ایوان اچ پیش کیتا۔