فوجداری قوانین (ترمیمی) بل 2016ء قومی اسمبلی اچ پیش

اسلام آباد (پاکستان پوائنٹ نیوز 02 -اگست2016 ء) فوجداری قوانین (ترمیمی) بل 2016ء قومی اسمبلی اچ پیش کرڈتا گیا جیں دے مطابق بالاں نال زیادتی دی سزاعمر قید یا سزائے موت مقرر کرنڑ دی تجویز ڈتی گی ہے ۔منگل کوں قومی اسمبلی دے اجلاس دے دوران مسرت احمد زیب تحریک پیش کیتی جوفوجداری قوانین (ترمیمی) بل 2016ء پیش کرنڑ دی اجازت ڈتی ونجے۔ انہاں آکھیا جو بل دی منظوری نال بالاں نال زیادتی کرنڑ آلیں کوں عمر قید یا پھاسی دی سزاملنڑی چاہیدی ہے ۔موجودہ قنون دے تحت اے سزا صرف ست سال ہے ،وزیر قنون زاہد حامد بل دی مخالفت نہ کیتی ،ایوان توں تحریک دی منظوری دے بعد مسرت احمد زیب بل ایوان اچ پیش کیتا ۔