قومی اسمبلی اچ اسلام آباد ہائی کورٹ اچ خاتون جج دی تقرری دے حوالے نال بل پیش

قومی اسمبلی اچ اسلام آباد ہائی کورٹ اچ خاتون جج دی تقرری دے حوالے نال بل پیش

اسلام آباد (پاکستان پوائنٹ نیوز 02 -اگست2016 ء) اسلام آباد ہائی کورٹ اچ خاتون جج دی تقرری دے حوالے نال بل قومی اسمبلی اچ پیش کرڈتا گیا۔جڈاں جو وفاقی وزیر زاہد حامد آکھیا جو سپریم کورٹ اچ خاتون جج دی تعیناتی دے بل کوں وزارت قنون مسترد کر ڈتا ہے ،تریمت دی بطور جج تعیناتی تے کوئی قد غن کائنی ۔ منگل کوں قومی اسمبلی دے اجلاس اچ ڈاکٹر نگہت شکیل تحریک پیش کیتی جو اسلام آباد عدالت عالیہ (ترمیمی) بل 2016 پیش کرنڑ دی اجاز ت ڈتی ونجے۔

بل لاونڑ دا مقصد اسلام آباد ہائی کورٹ اچ خاتون جج دی تقرری ہے۔ وزیر قانون زاہد حامدآکھیا جو سپریم کورٹ اچ وی خاتون جج دی تعیناتی دے حوالے نال بل پیش تھی چکا ہے مگر لاء ڈویژن اینکوں مسترد کر ڈتا ہے ۔تریمت دی بطور جج تقرری تے پہلے وی کوئی قدغن کائنی ۔تاں جو انہاں بل دی مخالفت نہ کیتی ۔ایوان توں تحریک دی منظوری دے بعد ڈاکٹر نگہت شکیل بل ایوان اچ پیش کیتا ۔