ڈیرہ غازی خان تے کوہ سلمان دے علاقیں اچ ودھ سارے مینھ پاروں ضیان دا ڈر ہےہنگامی صورتحال اچ عوام کوں وختی تے چنگاں ساتھ ڈیونڑاں چاہیدا ہے، نیشنل ڈیزاسٹر مینجمنٹ اتھارٹی دے سینئر ممبر احمد کمال داانٹرویو

اسلام آباد (پاکستان پوائنٹ نیوز 02 -اگست2016 ء) نیشنل ڈیزاسٹر مینجمنٹ اتھارٹی دے سینئر ممبر احمد کمال آکھیا ہے جو آونڑ آلے جہاڑیں اچ ڈیرہ غازی خان تے کوہ سلمان دے علاقیں اچ ودھ سارے مینھ پاروں ضیان دا ڈر ہے۔پی ٹی وی نال گالھ مہاڑ کریندے ہوئیں انھاں آکھیا جو پورے ملک اچ جاری ساونڑ دے مینھ پاروں محکمہ موسمیات دی پیش گوئی نال 25فیصد توں 27فیصد گھٹ تھیاں ہن اتے آونڑ آلے جہاڑیں دے دوران انہاں مزید 20فیصد مینھ پوونڑ دا امکان ہے ،انھاں آکھیا جو اے مینھ اتلے تے شمالی پنجاب ،خیبر پختونخوا ،سندھ تے بلوچستان دے ساحلی علاقیں اچ متوقع ہن ۔

انھاں آکھیا جو ڈو مہینے دے دوران تھیونڑ آلے مینھ پاروں ڈیرہ غازی خان تے کوہ سلیمان دے علاقیں وچ ودھ سارا مینھ پوونڑ دی توقع ہے ۔نیشنل ڈیزاسٹر مینجمنٹ اتھارٹی دی کارکردگی دے حوالے نال گالھ مہاڑ کریندے ہوئیں انہاں آکھیا جو ادارہ ناگہانی صورتحال اچ صوبائی تے ضلعی انتظامیہ دے نال رل تے بحالی دے کماں اچ معاونت کریندا ہے تاں جو ضلعی انتظامیہ کوں چاہیدا ہے جو اپنڑی کاکر دگی مزید چنگی کرن ۔انہاں آکھیا جو گزریل ڈینھ فاٹا اچ ودھ سارے مینھ پاروں تھیونڑ آلی تباہی اچ انہاں دا ادارہ فاٹا ڈیزاسٹر مینجمنٹ دے نال رل تے کم کریندا پے ۔احمد کمال ڈسایا جو ہنڑ تئین 23جاں بحق لوکاں دیاں لاشاں کوں بر آمد کر گھدا گے اتے 5دی گول دا کم جاری ہے ۔