اسلام آباد (پاکستان پوائنٹ نیوز 02 -اگست2016 ء) اینگرو فائونڈیشن اتے امریکی ادارہ برائے بین الاقوامی ترقی ( یو ایس ایڈ) مفاہمت دی یادداشت تے دستخط کیتے ہن جیندے تحت صوبہ پنجاب وچ کاشتکاراں کوں انفارمیشن ٹیکنالوجی دی جدید ترین سہولتاں فراہم کیتیاں ونج سگسن ۔ یو ایس ایڈ دے زرعی ماہر اسد اللہ خان آکھیا جو پنجاب وچ 15 ملین ڈالر دی مالیت نال پنج سال دے دوران مالیاتی منصوبہ مکمل کیتا ویسی جیندے نال صوبے وچ لائیو سٹاک ' ڈیری اتے ہارٹی کلچر دے شعبیاں دی ترقی وچ مدد ملسی اتے منصوبے دے تحت 5 ہزار توں ودھ کاشتکاراں کوں چھوٹے قرضاں تئیں آسان رسائی وچ معاونت فراہم کیتی ویسی۔
انہاں آکھیا جو ایندے نال کاشتکاراں کوں جدید ٹیکنالوجی دے حصول وچ مدد ملسی جیرھی جو پیداوارودھاونڑ وچ معاون ثابت تھیسی۔
