رحیم یار خان،چوری دی وارداتاں اچ ہزاراں روپے مالیت دی موٹر سائیکل ،کیمرہ ،مویشی اتے ونڑچوری

رحیم یارخان (پاکستان پوائنٹ نیوز۔ یکم اگست۔2016ء) رحیم یار خان اتے نیڑے دے علاقیاں اچ چوری دی وارداتاں اچ ہزاراں روپے مالیت دی موٹر سائیکل ،کیمرہ ،مویشی اتے ونڑ چوری کر گھدے گئے ،پولیس مقدمے درج کر تے کاروائی شروع کر ڈتی اے۔تفصیل دے مطابق عباسیہ ٹائون رحیم یارخان دے رہائشی محمد اقبال دا موٹرسائیکل مالیتی40ہزارروپے نماز پڑھنڑ ویلھے مدرسے دے باہر نامعلوم ملزم چوری کر گئے ،چک 110پی کے دے محمد عظیم دا کیمرہ 14ہزار روپے مالیتی ملزم زاہد سرفراز چوری کر گھدا،ماجد پور دے جان محمد دے ڈو بکرے ملزم صدام اتے بئے چوری کر گھدے پولیس انج انج رپورٹ کٹ تے کاروائی شروع کر ڈتی اے۔