کیڈ ڈویژن دے ترقیاتی منصوبیں سانگے مجموعی طور تے ہنڑ تئیں2 ارب 14 کروڑ روپے توں ودھ دے فنڈز جاری

اسلام آباد (پاکستان نیوز پوائنٹ 23فروری2016ء) وزارت منصوبہ بندی تے ترقیات سرکاری شعبے دے ترقیاتی پروگراماں اچ کیڈ ڈویژن دے ترقیاتی منصوبیں سانگے مجموعی طور تے ہنڑ تئیں 2 ارب 14 کروڑ روپے توں ودھ دے فنڈز جاری کر ڈتے ہن ۔ حکومت ایں ڈویژن دے ترقیاتی منصوبیں سانگے 3 ارب 56 کروڑ 22 لکھ 37 ہزار روپے دے فنڈز رکھیے ہن۔ سرکاری اعداد و شمار دے مطابق حکومت اسلام آباد اچ وزیراعظم دے تعلیمی اصلاحات پروگرام دے تحت 200 سکولاں سانگے ہک ارب، اسلام آباد اچ سمارٹ سکولاں دے قیام سانگے 14 کروڑ روپے، سپیشل چلڈرن دی تعلیم سانگے1 کروڑ 40 لکھ روپے، اسلام آباد ماڈل کالج جی ٹین فور فار بوائز سانگے 2 کروڑ 71 لکھ روپے، ہوم اکنامکس مینجمنٹ سائنس کالج ایف الیون ون سانگے 14 کروڑ 70 لکھ روپے، فیملی سوٹس دی تعمیر سانگے 50 کروڑ روپے توں ودھ دے فنڈز جاری کر ڈتے ہن۔