اسلام آباد (پاکستان نیوز پوائنٹ 23فروری2016ء) سپریم کورٹ پانامہ لیکس دے حوالے نال مقدمے دا فیصلہ محفوظ کر گھدا ہے جیں کوں بعد اچ سنڑایا ویسی ۔ خمیس کوں جسٹس آصف سعید کھوسہ دی سربراہی میں جسٹس اعجاز افضل خان، جسٹس گلزار احمد، جسٹس شیخ عظمت سعید اور جسٹس اعجاز الحسن تے مشتمل پنج رکنی لارجر بینچ کیس دی سماعت کیتی۔ ایں موقع تے پاکستان تحریک انصاف دے چیئرمین عمران خان دے وکیل نعیم بخاری جوابی دلائل پورے کر گھدے جڈاں جوجماعت اسلامی ولوں ایڈووکیٹ توفیق آصف دلائل ڈتے۔
درخواست گذار عوامی مسلم لیگ دے صدر شیخ رشید وی عدالت دے روبرو کیس دے حوالے نال جوابی دلائل ڈتے۔ عدالت تحریک انصاف دے چیئرمین عمران خان اتے امیر جماعت اسلامی سراج الحق کوں وی گالھ کرنڑ دا موقع ڈتا جڈاں جومسلم لیگ (ن) ولوں شاہد حامد ایں اہم ترین کیس دی سماعت دے حوالے نال بینچ دا شکریہ ادا کیتا۔ بعد اچ عدالت قرار ڈتا جو اے ہک اہم نوعیت دا کیس ہے جیں اچ مختصر فیصلہ نی ڈتا ونج سگدا ایں سانگے کیس دا فیصلہ کیتا ویندا ہے جیں دا فیصلہ بعد اچ سنڑایا ویسی ۔
