اسلام آباد (پاکستان پوائنٹ نیوز۔ یکم اگست۔2016ء) بر طانوی ادارے بی ایم آئی دے مطابق پاکستان دنیا دیاں 10ابھردی ہوئی معیشت اچ شامل ہے ۔برطانوی ریسرچ ادارے ولوں ایجھے 10ملکاں دی فہرست جاری کیتی گی جیرھے جو آونڑ آلے 10سالاں اچ تکھے اگی تے ودھنڑ دی صلاحیت رکھیندے ہن ،انہاں ملکاں اچ پاکستان، بنگلہ دیش، مصر، ایتھوپیا،انڈونیشیاء،کینیا، نائجیریا، فلپائن ، ویتنام تے میانمار شامل ہن۔
رپورٹ اچ آکھیا گیا ہے جو آونڑ آلے ویلھے اچ پاکستان پیداواری مرکز دے طور تے ابھرسے۔پاکستان اچ تعمیراتی تے پیداواری شعبے جیں اچ ٹیکسٹائل اتے کار سازی دے شعبے ترقی کریندے نظر امدے پن ۔سستی توانائی دے شعبے اچ پاکستان دے مقامی پیداواری شعبے کوں ساریں توں ودھ کامیابی ملسی ۔ادارے دے مطابق مذکورہ ملکاں 2025تئیں عالمی معاشی پیداوار اچ 4کھرب 30ارب ڈالر دے حصہ دار ہوسن ۔انہاں ملکاں اچ ساریں توں ودھ ترقی پیداواری اتے تعمیراتی صنعت ہوسی ۔پاکستان،میانما اتے بنگلہ دیش اچ نویں تعمیراتی زون تشکیل پیندے پن اتے ودھ ترقی تعمیراتی شعبے اچ نظر امسی شہری آبادیاں اچ ڈینہوں ڈینھ ودھارا تھیسی جیں پاروں پیداواری شعبے کوں عروج ملسی ۔
