اسلام آباد (پاکستان پوائنٹ نیوز۔ یکم اگست۔2016ء) وفاقی وزےر منصوبہ بندی ترقی تے اصلاحات احسن اقبال آکھیا ہے جو کامیاب انسان اندھارے اچ روشنی دی کرن گولنڑ دی صلاحیت رکھیندا ہے ،وقت دی اہم ضرورت نینگر اں اچ لیڈر شپ سکلز پیدا کرنڑ ہے ،علم تے تحقیق دی روایت توں دوری مسلم دنیا دیاں زبوں حالی دی وجہ توں ہے ،مستقبل اچ جنگاں علم دے میدا ن اچ لڑیاں ویسن ،2013دے مقابلے اچ اج دے پاکستان اچ تبدیلی آئی ہے ۔
سنوار کوں انہاں خیالاں دا اظہار انہاں بین الاقوامی کانفرنس توں خطاب کریندے ہوئیں کیتا ۔وفاقی وزیر آکھیا جو نوجواناں دے اندر مایوسی مکا تے چنگی سوچ پیدا کرنڑ دی ضرور ت ہے ۔انہاں آکھیا جو اج دا دور علمی انقلاب دا دور ہے جیں نال معیشت مضبوط تھی سگدی ہے ،وسائل گھٹ تھیونڑ پاروں پاکستان نوجوان چنگاں کم کریند ے پن ۔احسن اقبال آکھیا جو بہتر روشن مستقبل سانگے علمی دنیا اچ لیڈر شپ پیدا کرنڑیں ہوسی ،علم تے ایجادات دے اندر ڈوجھیاں قوماں دا مقابلہ کرنڑ دی فکر پیدا کرنڑیں ہوسی ،جدید دنیااچ جنگ اسلحے دے زور تے کائناں تے بلکہ علم دے زور تے لڑی ویندی ہے ۔
وفاقی وزیر آکھیا جو پاکستان اچ ٹیلی کمیونیکیشن انفراسٹرکچر دنیا دا مقابلہ کر سگدا ہے,ترقی صرف عمارتاں بنڑاونڑ دا ناں کائنی بلکہ اصل ترقی انسان دی ترقی ہے ۔
