اسلام آباد (پاکستان پوائنٹ نیوز۔ یکم اگست۔2016ء) دریائے چناب اچ طغیانی پاروںجھنگ اچ کئی وستیاں بڈ گیاں۔ نجی ٹیلی ویژن سیلاب دی اطلاع ڈیونڑ آلے مرکزدے حوالے نال خبر ڈیندے ہوئیں ڈسایا جو جھنگ دے علاقے اچ تریموں دی جاہ تے دریائے چناب اچ درمیانے درجے دا سیلا ب ہے ۔دریا اچ طغیانی پاروں کئی دیہاتاں اچ پانڑیں وڑ گیا اتے ودھ سارے رقبے تے منگ تے دھان دی فصل کوں ودھ سارا ضیان تھیا ہے ۔
سیلاب دے پانڑیں دی وجہ توں تریموں ہیڈ ورکس ونجنڑ آلی سڑک تباہ تھی گی ۔ڈوجھے پاسے دریا سندھ اچ چشمہ دی جاہ تے پانڑیں دی آمد 3لکھ 10ہزار تے اخراج2لکھ 86ہزار کیوسک ہے اتھاں وی درمیانے درجے دا سیلاب ہے ،سیلاب دی اطلاع ڈیونڑ آلے مرکز دے مطابق دریاسندھ اچ پانڑیں دی سطح مزید اچی تھیونڑ دا امکا ن ہے ۔
