اسلام آباد (پاکستان پوائنٹ نیوز۔30 جولائی۔2016) وفاقی وزیر برائے دفاعی پیداوار رانا تنویر حسین آکھے جو مسلم لیگ(ن)دی حکومت ملک اچ دہشت گردی کوں پوری طرح مکاونڑ سانگے پر عزم ہے،شہر اچ مکمل امن دی بحالی تئیں کراچی آپریشن جاری راہسی ، چھنڑ چھنڑ کوں ہک انٹرویو اچ وفاقی وزیرآکھیا جو کراچی آپریشن تے ساریاں سیاسی جماعتاں اتفاق کیتا ہئی ۔ انہاں آکھیا جو شہر اچ ٹارگٹ کلنگ،دہشت گردی اتے بئے جرائم دے مکمل خاتمے کیتے رینجرز دے اختیارات اچ مخصوص مدت تئیں توسع لازمی تھی گئی ہئی ۔
انہاں آکھیا جو ماضی دی نسبت ہنڑ کراچی دے شہری امن دے ماحول اچ زندگی گزریندے پئے ہن ۔ راناتنویر آکھیا جو آپریشن ضرب عضب پاروں ملک اچ امن بحال تھی گئے جیندے پاروں غیر ملکی سرمایہ کار ہنڑ پاکستان اچ سرمایہ کاری اچ دلچسپی گھندے پئے ہن ۔
