عوام دی سہولت سانگے غیر حتمی انتخابی فہرستاں 24 اپریل 2018 تئیں ڈسپلے مراکز تے لگیاں راہسن، الیکشن کمیشن

عوام دی سہولت سانگے غیر حتمی انتخابی فہرستاں 24 اپریل 2018 تئیں ڈسپلے مراکز تے لگیاں راہسن، الیکشن کمیشن

اسلام آباد (پاکستان نیوزپوائنٹ 04اپریل 2018ء) الیکشن کمیشن آف پاکستان غیر حتمی انتخابی فہرستاں 24 اپریل 2018ءتئیں عوام دے معائنے سانگے ڈسپلے مراکز تے لاتیاں گن، عوام انہاںانتخابی فہرستاں اچ اپنڑاںاتے اپنڑے خاندان دے ناں اتے بئے کوائف ڈیکھ سگسی اتے غلطی دی صورت اچ اینکوں ٹھیک وی کروا سگسی، اگر ناںدرج کراونڑ مقصود ہو ئے تاں ایندے کیتے فارم 15 پر کیتا ونجے، اگر ناں اچ غلطی ہو ئے تاں اینکوں ٹھیک کراونڑ سانگے فارم 16 یا فوتگی یا کہیں بئی وجہ نال ناں ختم کرنڑ یا کہیں ناں تے اعتراض کرنڑ ہوئے تاں فارم 17 پر کر تے انہاں ڈسپلے مراکز دے انچارج کوں جمع کرایا ونجے جیں تے فیصلہ ریوائزنگ اتھارٹیز کریسن۔

ا یہ فارم متعلقہ ڈسپلے مراکز توں بغیر معاوضے دے دستیاب ہن۔ ایہ ڈسپلے مراکز ہر ضلع یا ایجنسی اچ عموماً سرکاری سکولاں اچ قائم کیتے گئے ہن-الیکشن کمشنر ولوں جاری پریس ریلیز دے مطابق شہری اپنڑے قومی شناختی کارڈ دے کٹھے اپنڑے علاقے دے ڈسپلے سنٹر تشریف گھن آونڑ اتے اپنڑے ووٹ کوں درج کراونڑ یقینی بنڑاون۔تریمتیں اتے نوجوان 2018 دے عام انتخابات دے سلسلہ اچ انہاں ڈسپلے مراکز دی تفصیل الیکشن کمیشن دے آفیشل ویب سائٹ www.ecp.gov.pk توں ڈیکھ سگدن ۔ عوام دی بئی رہنمائی سانگے ڈسٹرکٹ الیکشن کمشنر یا ایجنسی الیکشن کمشنر دے دفتر نال وی رابطہ کر سگدن۔