پاڪستان ڀارت والاريل ڪشمير کي غير مستحڪم ڪرڻ جي ڪوشش ڪري رهيو آهي: راج ناٿ سنگهه

نئين دهلي (پاکستان پوائنٹ نیوز۔21 جولائی۔2016) ڀارت هڪ دفعو ٻيهر الزام لڳائيندي چيو آهي ته پاڪستان ان جي ملڪ کي غير مستحڪم ڪري رهيو آهي ۽ جيڪڏهن ڀارت ۾ ڪنهن به طرح جي دهشتگردي آهي ته هو پاڪستان جي حمايت يافته آهي پنهنجون حالتون بهتر ڪرڻ بجاءِ هو اسان جي ملڪ کي غير مستحڪم ڪرڻ جي ڪوشش ڪري رهيو آهي والاريل ڪشمير جي صورتحال کي بگاڙڻ ۾ جيڪڏهن ڪنهن جو اهم ڪردار رهيو آهي ته هو اسان جو پاڙيسري آهي اسان کي والاريل ڪشمير جي صورتحال تي ڳڻتي آهي ۽ حڪومت ان کي بهتر ڪرڻ جي ڪوشش ڪندي ۽ حالتن کي بهتر ڪرڻ لاءِ اسان کي گڏجي ڪم ڪرڻ جي ضرورت آهي والاريل ڪشمير ۾ شهرين جي شهادت پنهنجي جڳهه هاڻي ته ڀارتي فورسز صرف پنهنجو بچاءُ شروع ڪيو آهي ۽ صبر کان ڪم ورتو آهي ۽ هو خود وڏي تعداد ۾ زخمي ٿيا آهن. ڀارتي خابرو اداري مطابق خميس تي ڀارتي گهرو وزير راج ناٿ سنگهه پارليامينٽ جي ايوان ۾ ڪشمير جي صورتحال تي ڳالهائيندي بار بار پاڪستان جو نالو کنيو ۽ چيو ته اڄ والاريل ڪشمير جي صورتحال کي بگاڙڻ ۾ جيڪڏهن ڪنهن جو اهم ڪردار آهي ته اهو اسان جو پاڙيسري ملڪ آهي.