ڪويت سٽي (پاکستان نیوز پوائنٹ 07مارچ2017ء) وزيراعظم محمد نواز شريف سان ڪويت پارليامينٽ جي اسپيڪر مرذوق علي الغانم ملاقات ڪئي. ڪويتي پارليامينٽ وزيراعظم ۽ سندس وفد جو ڪويت جي نيشنل پارليامينٽ اچڻ تي استقبال ڪيو ۽ کين ڪويتي پارليامينٽ جي ڪم بابت بريفنگ ڏني. ان موقعي تي وزيراعظم محمد نواز شريف چيو ته پارلياماني وفدن جي گڏيل دورن ذريعي ٻنهي ملڪن جي وچ ۾ ڀائراڻن لاڳاپن جي مضبوطي ۽ ترقي گڏيل طور تي فائديمند ثابت ٿيندي. هن ٻنهي چيمبرز جي ڪردار کي فعال بڻائڻ جي ضرورت تي زور ڏنو. وزيراعظم ٻنهي ملڪن جي چيمبرز جي وچ ۾ پارلياماني لاڳاپن کي تعاون جي اڳئين مرحلي تائين وڌائڻ جي تجويز ڏني جيڪي ٻنهي ملڪن جي وچ ۾ بهترين لاڳاپن جي بهتر عڪاسي ڪندا. هن چيو ته پاڪستان ٻنهي ملڪن جي قيادت ۽ عوام جي امنگن جي عڪاسي لاءِ رابطن ۽ گڏيل دورن کي وڌائڻ لاءِ تيار آهي.
وزيراعظم سان ڪويتي پارليامينٽ جي اسپيڪر جي ملاقات
7 سال پھريان