پاڪستان ترڪي سان لاڳاپن کي قدر جي نگاهه سان ڏسي ٿو: وزيراعظم محمد نواز شريف

انقره (پاکستان نیوز پوائنٹ 23فروری2016ء) وزيراعظم محمد نواز شريف چيو آهي ته پاڪستان ترڪي سان لاڳاپن کي قدر جي نگاهه سان ڏسي ٿو ۽ ٻنهي ملڪن جي وچ ۾ اقتصادي پارٽنرشپ ۽ سياسي لاڳاپن کي مضبوط بڻائڻ جي لاءِ پرعزم آهي. ڪالهه خميس ڏينهن اهڙن خيالن جو اظهار هن ترڪي جي پنهنجي هم منصب بن علي يلدرم سان نويڪلائي ۾ ملاقات دوران ڪيو. وزيراعظم چيو ته پاڪستان ۽ ترڪي جي وچ ۾ واپاري ماپو 600 ملين کان گهٽ آهي تنهن هوندي به آزاداڻي واپاري معاهدي (ايف ٽي اي) جي هدفن کي جلد کان جلد حاصل ڪرڻ جون ڪوششون ڪرڻ گهرجن. هن چيو ته آزاداڻي واپاري معاهدي سان ٻنهي ملڪن جي مختلف شعبن کي وڏي پئماني تي موقعا ميسر ايندا ۽ شين، خدمتن ۽ سيڙپڪاري ۾ ٻنهي ملڪن جي واپاري صلاحيتن ۾ اضافو ٿيندو، وزيراعظم چيو ته ترڪي اچڻ منهنجي لاءِ سدائين خوشي جو سبب هوندو آهي، ترڪي کي پنهنجو ٻيو گهر سمجهان ٿو، هن چيو ته پاڪستان ۽ ترڪي جي عقيدن، ثقافت ۽ تاريخ تي ٻڌل گڏيل لاڳاپن کي وڌيڪ مستحڪم ۽ گهيرا ٿيندا، وزيراعظم محمد نواز شريف ٻنهي ملڪن جي وچ ۾ اعليٰ سياسي مٽاسٽا جي ضرورت تي زور ڏنو.