پاڪستان دهشتگردي جي خلاف جنگ ۾ هڪ سرگرم حصيدار آهي: وزيراعظم شاهد خاقان عباسي

واشنگٽن (پاکستان نیوزپوائنٹ21ستمبر2017ء) وزيراعظم شاهد خاقان عباسي چيو آهي ته پاڪستان دهشتگردي جي خلاف جنگ ۾ هڪ سرگرم حصيدار آهي ۽ هن افغانستان سان سرحد تي ڏکين علائقن ۾ شدت پسندن طرفان استعمال ٿيندڙ سمورين ٺڪاڻن کي پاڙ کان پٽي ڇڏيو آهي. هن اها ڳالهه ”نيويارڪ ٽائمز“ کي ڏنل انٽرويو ۾ چئي جيڪو اربع ڏينهن شايع ٿيو. وزيراعظم جيڪو گڏيل قومن جي جنرل اسيمبلي جي اجلاس ۾ شرڪت لاءِ نيويارڪ ۾ آهي، چيو ته پاڪستان ۾ هي تاثر آهي ته دهشتگردي جي لعنت جي خلاف هن جي سمورين ڪوششن کي آمريڪا طرفان پذيرائي ناهي ڏني وئي ۽ اسان کي قرباني جو ٻڪرو بڻايو پيو وڃي، هن چيو ته اسان دهشتگردي جي خلاف فعال پارٽنر آهيون. هتي اها ڳالهه ذڪر جوڳي آهي ته جيئن ته آمريڪي ميڊيا ۾ رپورٽ ٿيو ته پاڪستان جي حوالي سان نئين آمريڪي پاليسي ۽ ڀارت طرفان ان جي جهڪاءُ سان ملڪ ۾ شديد رد عمل ڏٺو ويو آهي ۽ تجزيي نگارن خبردار ڪيو آهي ته نئين آمريڪي پاليسي جي ڪارگر هجڻ جو امڪان نه آهي ۽ ان سان افغانستان ۾ امن جي مقصد حاصل ڪرڻ مشڪل پيدا ٿيندي جڏهن ته ٻئي طرف پاڪستان جنهن دهشتگردي جي خلاف عالمي جنگ ۾ وڏي قيمت ادا ڪئي آهي، بار بار ان ڳالهه تي زور ڏنو آهي ته هو دهشتگردن جي خلاف بنا فرق جي ڪارروائي ڪري رهيو آهي ۽ انتهاپسند عنصر ڀڄي رهيا آهن ۽ انهن پاڙيسري ملڪ افغانستان ۾ پناهه ورتي آهي، وزيراعظم نيويارڪ ٽائمز کي انٽرويو ۾ چيو ته پاڪستان جي هٿياربند فوج افغانستان سان سرحد تي دهشتگردن جي استعمال هيٺ سمورن ٺڪاڻن کي ختم ڪري ڇڏيو آهي، شاهد خاقان عباسي صاف لفظن ۾ چيو ته پاڪستان جي فوج علائقي تي ٻيهر ڪنٽرول حاصل ڪيو آهي ۽ هاڻي دهشتگردن جو قطئي طور تي ڪو به ٺڪاڻو نه آهي. نيويارڪ ٽائمز وزيراعظم جي حوالي سان چيو ته پاڪستان وٽ ٽيڪنيڪل نيوڪليئر هٿيار نه آهن، هن چيو ته پاڪستان وٽ مختصر مفاصلي تائين مار ڪندڙ ايٽمي هٿيار آهن جيڪي جنگ جي ميدان ۾ استعمال لاءِ ڊزائين ناهن ڪيا ويا ۽ هي سخت حفاظتي ڪمانڊ اينڊ ڪنٽرول ۾ آهن.